The tale of the boy who tricked the Devil - Iseult Gillespie

Translator: Jenny Mon Reviewer: Myo Aung

In the sun-dappled streets of a small town,

မြို့ငယ်လေးတစ်မြို့ရဲ့ နေရောင်ပြောက်ကျား ထိုးကျနေတဲ့ လမ်းကလေးတွေပေါ်မှာ

a proud mother showed off her newborn son.

အမေတစ်ယောက်ဟာ သူမရဲ့ မွေးကင်းစ သားလေးအကြောင်း ဂုဏ်ယူ ကြွားဝါနေပါတယ်

Upon noticing his lucky birthmark,

ကလေးရဲ့ မွေးရာပါအမှတ်ကို တွေ့လိုက်တဲ့အခါ

townsfolk predicted he would marry a princess.

ဘုရင့်သမီးတော်နဲ့ လက်ဆက်ရလိမ့်မယ်လို့ မြို့ခံတွေက ဟောကိန်းထုတ်ကြပါတယ်။

But soon, these rumors reached the ears of the wicked king.

ဒါပေမဲ့ သိပ်မကြာခင်မှာ ဒီသတင်းဟာ ကောက်ကျစ်တဲ့ ဘုရင်ကြီးဆီ ရောက်သွားတယ်တဲ့။

Enraged, the king stole the child away, and sent him hurtling down the river.

အဲ့အခါ ဘုရင်ကြီးဟာ ဒေါသထွက်ပြီး ကလေးကို ခိုးကာ မြစ်ထဲမှာ မျှောလိုက်တယ်

But the infant’s luck proved greater than the king’s plan.

ဒါပေမဲ့ ကလေးရဲ့ ကံက ဘုရင်ကြီးရဲ့ အကြံထက် ပိုကောင်းနေခဲ့ပါတယ်။

Years later, the king was traveling his realm,

နှစ်တွေကြာပြီးနောက် ဘုရင်ကြီး တိုင်းခန်း လှည့်လည်ချိန်မှာ

when he spotted a strapping young man with an uncanny birthmark.

တမူထူးခြားတဲ့ မွေးရာပါအမှတ်နဲ့ သန်မာထွားကျိုင်းတဲ့ လူငယ်လေးကို တွေ့သတဲ့။

After confirming the child’s origins,

ကလေးရဲ့ ဇာစ်မြစ်ကို စုံစမ်းပြီး သေချာသွားတော့

the sly king entrusted the boy with a letter for the queen.

ကောက်ကျစ်တဲ့ ဘုရင်ကြီးက လူငယ်လေးကို မိဖုရားကြီးဆီ စာတစ်စောင် ပို့ခိုင်းတယ်တဲ့။

The youth eagerly set out to deliver the message—

စာပို့ဖို့အတွက် လူငယ်လေးဟာ တက်တက်ကြွကြွ ထွက်လာခဲ့ပေမဲ့

not knowing he was carrying his own death sentence.

စာက သူ့ကို သတ်စေလို့ ရေးထားတဲ့ စာမှန်း မသိခဲ့ဘူးပေါ့။

That night, roaming bandits stumbled upon his camp.

ညကျတော့ လူငယ်လေး ခဏစခန်းချနားတဲ့နေရာကို ဓါးပြတွေ ရောက်လာသတဲ့။

Yet when they read the brutal letter, they were filled with pity.

ရက်စက်တဲ့ စာကို ဓါးပြတွေ ဖတ်မိသွားတော့ လူငယ်လေးကို သနားသွားကြတာနဲ့

Deciding to make trouble for the king instead, they scribbled a new note.

ဘုရင်ကြီးကိုပဲ ဒုက္ခပေးတော့မယ်လို့ ဆုံးဖြတ်ပြီး စာကို ပြင်ရေးပေးလိုက်ကြတယ်။

As soon as the youth arrived at the palace,

လူငယ်လေး နန်းတော်ကြီးဆီ ရောက်သွားတဲ့အခါ

he locked eyes with the princess.

ဘုရင့်သမီးတော်လေးကို မြင်မြင်ချင်းပဲ

The two felt destined for each other.

သူတို့နှစ်ဦးဟာ တစ်ဦးကိုတစ်ဦး ချက်ချင်း ချစ်မိသွားကြတယ်။

And when the queen read that the king approved this union,

စာထဲမှာလဲ ဘုရင်ကြီးက သဘောတူကြောင်း ရေးထားတာ ဖတ်ရတော့

she joyfully organized a whirlwind wedding.

မိဖုရားကြီးက ဝမ်းသာအားရပဲ မင်္ဂလာဆောင်ကို ခမ်းခမ်းနားနား ကျင်းပပေးလိုက်သတဲ့။

When the king returned, he was furious.

ဘုရင်ကြီးပြန်ရောက်လာတဲ့ အခါမှာ ဒေါသပုံတွေ ထတော့တာပေါ့။

But he couldn’t execute his daughter’s beloved without reason.

ဒါပေမဲ့ သမီးတော်လေးရဲ့ ချစ်ရသူကို အကြောင်းမရှိဘဲ ကွပ်မျက်ဖို့ မဖြစ်နိုင်လို့

So he devised a diabolical trial.

ယုတ်မာတဲ့ စမ်းသပ်မှုတစ်ခုကို လုပ်သတဲ့။

He ordered the youth to travel to Hell itself,

ဘုရင်ကြီးက လူငယ်လေးကို ငရဲကိုသွားပြီး

and return with three golden hairs freshly plucked from the Devil’s head.

မာရ်နတ်ရဲ့ ခေါင်းက ရွှေရောင်ဆံပင် သုံးချောင်းကို နှုတ်ယူရမယ်လို့ ခိုင်းတယ်။

Only upon succeeding could he return to his bride.

အဲ့ဒါကို လုပ်နိုင်မှ မင်းသမီးလေးဆီ ပြန်လာလို့ရမယ်ပေါ့။

The youth searched across the land for the entrance to Hell,

လူငယ်လေးဟာ ငရဲပြည်ဝင်ပေါက်ကို ရှာဖို့ နေရာအနှံ့ လျှောက်သွားတဲ့အခါ။

until he finally reached an eerie village.

နောက်ဆုံးမှာ ကျောချမ်းစရာကောင်းတဲ့ ရွာတစ်ရွာကို ရောက်သွားခဲ့တယ်။

Here, he saw some villagers gathered around a well.

ရွာထဲရောက်တော့ ရေတွင်းကြီးတစ်ခုနားမှာ ရွာသားတစ်ချို့ စုရုံးနေတာ တွေ့သတဲ့။

They closed in on the youth, refusing to let him pass

ရွာသားတွေက လူငယ်လေးကို ဝိုင်းပြီး လမ်းပိတ်လိုက်ကြပြီးတော့

until he answered their question: why was the well dry?

ရေတွင်းက ဘာလို့ ရေခမ်းသွားတာလဲ ဆိုတာကို မဖြေရင် ပေးမသွားဘူးဆိုပြီး ပြောကြတယ်။

The youth replied, “I will answer when I return.”

အဲ့တော့ လူငယ်လေးက ပြန်လာတဲ့အခါ ဖြေပါ့မယ် ဆိုပြီး ပြောမှ

They directed him further into town,

မြို့ထဲဝင်ဖို့ လမ်းကို ညွှန်ပြလိုက်ကြတယ်။

where he came across another set of villagers contemplating a gnarled tree.

သွားရင်းက အိုမင်းလိမ်တွန့်နေတဲ့ သစ်ပင်နား ထိုင်စဉ်းစားနေတဲ့ ရွာသားတွေကို တွေ့တယ်။

They refused to let him pass until he answered their question:

သူတို့မေးတာကို ဖြေမှ ဆက်သွားခွင့် ပေးမယ်ဆိုပြီး ပြောပြန်တယ်-

why was the tree barren?

ဘာဖြစ်လို့ သစ်ပင်ကြီးက မသီးပွင့်နိုင်ရတာလဲ။

Again, the youth responded, “I will answer when I return."

ဒီတစ်ခါလဲ လူငယ်လေးက ပြန်လာတဲ့အခါ ဖြေပါ့မယ်ဆိုပြီး ပြောခဲ့တယ်။

These villagers guided him to the dock, where an elderly ferryman awaited.

သူတို့က လူငယ်လေးကို လှေထိုးသား အဖိုးကြီး ထံ သင်္ဘောဆိပ်ဆီကို လမ်းညွှန်လိုက်ကြတယ်။

As he paddled through the black water, the ferryman rasped a third question:

အနက်ရောင် ရေပြင်မှာ လှော်နေရင်းနဲ့ လှေထိုးသားကြီးက တတိယမေးခွန်းကို မေးတယ်-

how can I escape my interminable task?

ဒီမဆုံးနိုင်တဲ့ တာဝန်ကြီးက ဘယ်လိုများ လွတ်မြောက်အောင် လုပ်ရပါ့မလဲ။

Once more, the youth promised, “I will answer when I return.”

လူငယ်လေးကလဲ ပြန်လာတဲ့အခါ ဖြေပါ့မယ်လို့ ပြန်ပြောခဲ့တာပေါ့။

At last, they reached a hut sinking into the swampy banks of Hell.

ဒီလိုနဲ့ ငရဲပြည်ရဲ့ ရွံ့မြေကမ်းပါးမှာ နစ်မြှပ်နေတဲ့ တဲတစ်လုံးဆီ ရောက်သွားကြတယ်။

Reluctantly, the youth knocked on the rotting door.

လူငယ်လေးဟာ မဝံ့မရဲနဲ့ ပြိုလဲနေတဲ့ တံခါးကို ခေါက်လိုက်တော့တယ်။

The devil’s grandmother answered his call.

မာရ်နတ်ရဲ့ အဘွားက တံခါးကို လာဖွင့်ပေးတယ်။

She was known to help some visiting souls, and harm others.

အဘွားက လာတဲ့လူတွေကို ကူတဲ့အခါလဲ ကူပြီး ဒုက္ခပေးတဲ့အခါလဲ ပေးတတ်တယ်တဲ့။

The youth had just finished his story when they heard the devil’s footsteps.

လူငယ်လေးက သူ့ဇာတ်လမ်းကို ပြောပြီးတဲ့ အချိန်မှာ မာရ်နတ်ရဲ့ ခြေသံကိုကြားရသတဲ့။

Without warning, the boy’s world appeared to shrink.

အဲ့အချိန်မှာ ရုတ်တရက်ကြီး လူငယ်လေးဟာ ကျုံ့ဝင်သွားပါလေရော။

The devil’s grandmother lifted him into the folds of her sleeve,

မာရ်နတ်ရဲ့ အဘွားက လူငယ်လေးကို ကောက်ပြီး အင်္ကျီလက်မောင်းခေါက်ထဲ ထည့်လိုက်ပြီးတော့။

and welcomed her grandson.

သူ့မြေးကို ကြိုဆိုလိုက်ပါတယ်။

The old woman set to work, lavishing the devil with food and drink.

အဘွားက မာရ်နတ်အတွက် ဖွယ်ဖွယ်ရာရာတွေ ချက်ပြုတ်ပြင်ဆင် ကျွေးမွေးပါတယ်။

When he fell asleep, she deftly plucked three gleaming hairs from his head.

မာရ်နတ် အိပ်ပျော်သွားတော့မှ ခေါင်းပေါ်က ဆံပင်သုံးချောင်းကို ကျင်လည်စွာ နှုတ်ယူတယ်။

With each plucked hair, the Devil briefly awoke and complained about his dreams,

တစ်ချောင်းနှုတ်တိုင်း မာရ်နတ် တစ်ခါ နိုးပြီး သူ့အိပ်မက်အကြောင်း ညည်းညူတာက

full of nearby villagers and their problems.

ရွာသားတွေနဲ့ သူတို့ရဲ့ ပြဿနာတွေ အကြောင်းနဲ့ ဆိုင်နေတယ်ပေါ့။

The next morning, the youth departed—

နောက်နေ့ မနက်မှာ လူငယ်လေး ပြန်လာခဲ့ပါတယ်

armed with three golden hairs, and three pieces of information.

ရွှေရောင်ဆံပင် သုံးချောင်းနဲ့ အဖြေသုံးခုကို သယ်ပြီးတော့ပေါ့။

He shared the devil’s first dream with the ferryman.

မာရ်နတ်ရဲ့ ပထမအိပ်မက်ကို လှေထိုးသားကို ပြောပြလိုက်တယ်။

If the boatman could hand his oars to a willing passenger,

လိုချင်လို့ လာတောင်းတဲ့ ခရီးသည်တစ်ယောက်ကို လှော်တက်တွေကို ပေးနိုင်မယ်ဆိုရင်၊

he would be free from his task.

လှေထိုးသားကြီးဟာ ဒီအလုပ်ကို ဆက်လုပ်စရာ လိုမှာမဟုတ်တော့ဘူးတဲ့။

Back at the village, the youth declared that there was a mouse

ရွာကိုပြန်ရောက်တဲ့အခါ လူငယ်လေးက ကြေညာလိုက်တာက ကြွတ်တစ်ကောင်ဟာ

gnawing at the root of the tree, and an enormous toad blocking the well.

သစ်ပင်ကြီး အမြစ်ကို ကိုက်စားနေပြီး ဧရာမဖား တစ်ကောင် ရေတွင်းကို ပိတ်ဆို့ထားတယ်ပေါ့။

The villagers rewarded him handsomely for his help.

အဲ့အခါ ရွာသားတွေက ကျေးဇူးတင်လို့ လူငယ်လေးကို ကောင်းကောင်းဆုချလိုက်ကြသတဲ့။

Back from his journey, the youth thrust the devil’s hairs at the king—

ပြန်ရောက်တဲ့အခါ မာရ်နတ်ရဲ့ ဆံပင်တွေကို ဘုရင်ကြီးဆီ ဆက်သလိုက်ပါတယ်။

but his greedy father-in-law only had eyes for the gold.

ဒါပေမဲ့ လောဘကြီးတဲ့ သူ့ယောက္ခထီးကြီးက ရွှေတွေကိုပဲ မျက်စိကျနေခဲ့ပါတယ်။

The sly youth told the king that even greater wealth awaited him

လူလည်ကောင်လေးက ဘုရင်ကြီးကို မြစ်ဟိုဘက်မှာ ပိုများတဲ့ ရွှေတွေ ရှိသေးတယ်လို့

across the river.

ပြောပြလိုက်သတဲ့။

Immediately, the king hastened to the riverbank.

ဘုရင်ကြီးက ချက်ချင်းပဲ မြစ်ကမ်းနားကို အမြန်အဆန် ပြေးသွားတော့တာပေါ့။

Eager to claim his riches,

သူ့အတွက် စည်းစိမ်တွေကို တောင်းချင်လွန်းလို့

he held out his hands impatiently to the grinning ferryman—

လက်ဖြန့်တောင်းနေတဲ့အခါ ကြိတ်ပြုံးပြုံးနေတဲ့ လှေထိုးသားကြီးက

who happily handed over his oars.

သူ့လှော်တက်တွေကို ပျော်ပျော်ကြီးနဲ့ သူ့လက်ထဲ ထည့်ပေးလိုက်တယ်။